ᓴᙱᒃᑎᒋᐊᖅᓯᓂᖅ ᑭᕙᓪᓕᕐᒥᑦ ᓴᓗᒪᔪᒥᒃ ᐆᒻᒪᖅᖁᑎᓕᐅᕆᓂᐊᖅᑕᖓᓂᑦ
ᐅᕙᑉᑎᖕᓂᑦ ᐱᔾᔪᑎᖃᖅᑐᖅ
ᑭᕙᓪᓕᕐᒥᑦ ᐊᓯᐊᒍᖔᖅ ᐆᒻᒪᖅᖁᑎᓕᕆᓂᕐᒧᑦ (KAE) ᓯᕗᕌᓃᑉᐳᖅ ᓴᓗᒪᔪᒥ ᐆᒻᒪᖅᑯᑎᓄᑦ ᐊᓯᔾᔨᕐᓂᐅᔪᓂ ᓄᓇᕗᒻᒥ ᑭᕙᓪᓕᕐᒥ. ᐋᖅᑭᒃᓱᐃᕙᒃᐳᒍᑦ ᐊᓯᔾᔨᒋᐊᒐᒃᓴᐅᔪᓂᒃ ᐱᕝᕕᐅᔪᓐᓇᖅᑐᓂᒃ ᐱᐅᓯᒋᐊᖅᑎᑦᑎᔪᓂᒃ ᐆᒻᒪᖅᑯᒻᒧᑦ ᐃᓛᒃᑰᕈᓐᓇᕐᓂᕐᒥᒃ ᐅᐸᒐᕐᓂᙱᑦᑐᓄᑦ ᓄᓇᓕᖕᓄᑦ. ᐱᓕᕆᐊᒃᓴᕗᑦ ᓄᓇᓕᖕᓂ ᐃᑲᔫᑕᐅᕗᑦ, ᐱᕈᖅᐸᓪᓕᐊᓗᑎᒃ ᓄᓇᓕᖕᓂ ᐱᔪᓐᓇᕐᓂᕆᔭᐅᔪᑦ, ᑐᙵᕕᓕᐅᖅᖢᑎᒡᓗ ᑭᕙᓪᓕᕐᒥ ᓴᓗᒪᔪᒥᒃ ᐆᒻᒪᖅᑯᑎᑐᕈᓯᕐᒧᑦ ᓯᕗᓂᒃᓴᒥ.
ᑭᕙᓪᓕᕐᒥᑦ ᐊᓯᐊᒍᖔᖅ ᐆᒻᒪᖅᖁᑎᓕᕆᓂᕐᒧᑦ ᐱᓕᕆᐊᓕᒃᑯᑦ (KAE) ᐃᓄᖕᓄᑦ-ᑲᒪᒋᔭᐅᑉᓗᓂ ᐱᓕᕆᖃᑎᒌᖕᓂᐅᔪᖅ ᐅᑯᓄᖓ:
ᓴᒃᑯᒃᑯᑦ ᐱᕈᐃᔨᖏᓐᓂᑦ ᐊᐅᓚᑦᑎᔩᑦ, ᐱᕙᓪᓕᐊᑎᑦᑎᓂᕐᒧᑦ ᐊᐅᓚᑦᑎᔨᐅᔪᑦ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒎᒃᑯᓐᓄᑦ ᐊᒻᒪᓗ ᐃᓄᐃᑦ ᐱᔪᖕᓇᐅᑎᖃᕐᓂᖏᓐᓄᑦ ᐊᐅᓚᑦᑎᔨᐅᑉᓗᑎᒃ.
ᐅᑭᐅᖅᑕᖅᑐᒥᑦ ᐆᒻᒪᖅᖁᑎᓕᕆᔨᒃᑯᑦ (NEC), ᐊᑐᖅᑕᐅᒃᑲᓐᓂᕈᖕᓇᖅᑐᓂᒃ ᐆᒻᒪᖅᖁᑎᓕᐅᕆᓂᕐᒧᑦ ᐱᕙᓪᓕᐊᑎᑦᑎᔨᐅᑉᓗᑎᒃ ᑲᒻᐸᓂᐅᔪᖅ ᓴᖅᕿᑕᐅᓯᒪᔪᖅ ᓴᙱᓂᖃᖅᑎᓐᓂᐊᕐᓗᒋᑦ ᐅᑭᐅᖅᑕᖅᑐᒥᑦ ᐊᒻᒪᓗ ᐅᖓᓯᒃᑐᒦᑦᑐᑦ ᓄᓇᓖᑦ ᐅᖅᓱᐊᓗᒃᑐᕈᖕᓃᖅᐸᓪᓕᐊᓂᕐᒥᑦ ᓴᓗᒪᔪᒥᒃ ᐆᒻᒪᖅᖁᑎᓂᒃ ᐱᖁᑎᓂᒃ ᓇᖕᒥᓂᖃᓕᕐᓂᐊᕐᓗᑎᒃ.
ᐱᓕᕆᐊᑦ
ᐱᕙᓪᓕᐊᑎᑦᑎᓂᒃᑯᑦ ᓄᓇᓕᖕᒥᑦ ᐊᑐᖅᑕᐅᔪᓂᒃ ᓴᓗᒪᔪᒥᒃ ᐆᒻᒪᖅᖁᑎᒥᒃ, ᐊᖏᒡᓕᕙᓪᓕᐊᑎᑕᕗᑦ ᓄᓇᓕᑉᑕ ᐅᑎᕈᖕᓇᕐᓂᖓ ᐊᒻᒪᓗ ᐆᒻᒪᖅᖁᑎᖃᖅᑎᑕᐅᓂᖓ, ᐃᓂᓕᐅᕆᓂᒃᑯᑦ, ᐊᒻᒪᓗ ᒥᐊᓂᕆᑉᓗᒋᑦ ᓄᓇᕗᑦ, ᑕᕆᐅᕗᑦ ᐊᒻᒪᓗ ᓂᕐᔪᑎᓄᑦ ᓯᕗᓂᒃᓴᒥᑦ ᑭᖑᕚᕆᔭᑉᑕ.
